Музычная забава: «Каляднiкi ў гасцях у дзяцей»
Пасля сустрэчы Новага года, наступіў вясёлы час калядак. Каляды, або, як іх яшчэ называюць, святыя вечары - гэта зімовае народнае свята, якое пачынаецца на Каляды і доўжыцца цэлых два тыдні, да самага Хрышчэння. У гэтыя дні ходзяць адзін да аднаго ў госці, віншуюць са святам і спяваюць калядкі.
Вось і ў нашым дзіцячым садзе, 13 студзеня прайшла мызычная забава пад назвай «Каляднiкi ў гасцях у дзяцей» .
Дзеці былі не толькі гледачамі, але і непасрэднымі ўдзельнікамі свята. Калядоўшчыкі разам з дзецьмі вадзілі карагоды, гулялі ў народныя гульні, ладзілі вясёлыя пераплясы, жадалі ўсіх выгод і, вядома, прасілі пачастункі. Гаспадыня дала дарагім гасцям прысмакі.
Удзельнасць у падобных мерапрыемствах, дае дзецям магчымасць дакрануцца да традыцый і звычаяў нашага народа, самім адчуць усё хараство народных святаў і гулянняў. Усе атрымалі станоўчыя эмоцыі і добры настрой.
